[
هذي قصيده ارسلتها لحبيبتي قبل ان اتزوجها
لاضعها في وجه الاختيار بيني وبين رجل صنعته من خيالي
وهو غير موجود لكي أعتز بنفسي امامها
وأخيرها بيني وبينه رغم معرفتي باني الفائز بها
الا اني احببت ان اضع المقارنه لكي احس بطعم السعاده ونشوة الانتصار بحورية بحر قلبي ...
لذلك ارسلت لها القصيده ..وسالتها
يابنت من تحبين
قولي لي بكل صراحه يا بنت من تحبين =انا والا اهو يالله اختاري فينا واحد
انا الزين مجافيني لكن ماني شين = انا قلبي خضر يابنت والعشق فيني زايد
انا مستعد اشيلك في هالعين او هالعين = احلم بك نهاو وليل وانا صاحي وانا راقد
كنت احسب الحب لعبه يوم اشوفك تغمزين = اكتشفت الحب هذا على كل قلب كايد
ليت قلبي يضم قلبك ويصيروا قلبين = بينهم قوة مشاعر لا مايفرقها حاسد
صرت اهوجس في عيونك لمّا كنتي تضحكين = سحر عيونك ليتهم يدرسونه في المعاهد
اعتقد ما اقدر اعيش بلا شوفك يومين = ارتبط قلبي في قلبك وربي علينا شاهد
من غيري يشم عطرك من على بعد ميلين = اعرف انك جيتي يمّي والا الناس عندي واجد
انتي غير الكل يا بنت مافيه مثلك اثنين = انتي تحفه اعلقها واكتب (الحب خالد)
شوفي وش طول المسافه انتي وين وانا وين ؟ = لكن القلوب قريبه ما يبعدها اي حاقد
انا عارف والله ان كلنا من خلق طين = وإن الدنيا ما تتعمّر الا بانسان عابد
يخاف الله ولا يخطي في بنات المسلمين = والزواج شرعه الله بالكتاب ويا الشواهد
واللي مكتوب بجبينك لازم تشوفه العين = والنصيب يروح ويجي والقدر مامنّه اي بد
وانا قرّرت اتزوج ويكتمل نصف الدين =واطلب ايدك ياحياتي من حضرة جناب الوالد
عساك اخترتيني انا والاّ اخترتي مين؟ = انا والا اهو يالله اختاري فينا واحد
نقلت لكم ابيات كتبتها ما قبل زواجي
الى حبيبتي الغاليه ...
ارجو انكم استمتعتم لو بشي قليل بالقصيده
وتحياتي لكمـ
الأربعاء يوليو 08, 2009 10:57 am